الشعب المصري بيبقي عاوز صدمة تحرره من القالب الذي يضعه له الاعلام المصري
سواء العام او الخاص المأجور ..
كمثال بسيط ... مجموعة الأسئلة القادمة نوع من انواع الصدمات الكهربائية
اللي في نهايتها بتخليك تسأل نفسك : الله طب وبعدين ؟؟!!
تفتكر حسني مبارك حياخد براءة ؟؟
أكيد
أكيد
تفتكر الضباط المتهمين حياخدوا براءة ؟؟
طبعاً
تفتكر فلوس مصر حترجع ؟؟
ترجع فين يا حج ده انت طيب قوي
تعتقد الناس اللي في طرة دي محبوسين بجد ؟
لا طبعاً
تفتكر الرئيس الجاي حيبقي زي ما احنا عاوزين وراجل محترم
؟
لازم امريكا توافق عليه
تعتقد مصر حتتحسن قريب ..؟؟
لا طبعاً حتاخد قت طويل اصل كم الفساد ضخم
طب انت نفسك اول حاجة تتعمل ايه ؟؟
حتسمع اجابات كتيرة عشوائية غير مرتبة وده بيعكس تشتت الناس محدش عارف اي
اهم شيء
تفتكر الشرطة حتتعدل ؟؟
لا
تعتقد الاقتصاد حيتحسن ؟؟
لا مش دلوقت خالص
فكرك المشير مع الثورة
انت عبيط .؟؟ طبعا لا
بعد كل الأسئلة دي:
هي الناس مستنية ايه طيب ؟؟
1 تعليقات:
اعتقد بعد اما الناس اللي بتقرا تجاوب نفس الاجابات الموجودة هاتلاقي اللي بيتكلم في الاستقرار اولا يعني قبل الدستور او الرئيس حتى :) و اللي بيتكلم عن وحدة الصف اللي هي (السلوجان اللي ظهر امبارح) بعد حادث المنصة (منصة الاخوان ) يعني الناس عارفه كل ده و مع ذلك عايزين استقرار طيب يا جماعة الخير نحقق الاستقرار ازاي هاتلاقي الاجابة اللي حفظينها دائما (نديهم فرصة) هم مين ..اي حد و خلاص بقى المهم يقنعوا نفسهم ان في اتجاه اصلاحي ماشي حواليهم في طريق ما (سواء برلمان و لا شورى و لا استفتاء او فترة انتقالية او حكومة بلوفرات) و بسبب قناعتهم بوجود الاتجاه الاصلاحي ده و في نفس الوقت اجابتهم زي اللي فوق دي هايقعدوا يقولوا ادوا فرصة و استنوا و تستمر الحياة
Post a Comment